Onur Qoplon: Xayrlisi

Gohida yashash uchun emas, o'lolmaganimiz uchun yashab yurganimiz haqida o'ylab qolaman. Buni oshkora ayta olmasak-da, kun davomida qiladigan ishlarimiz ro'yxati bildirib qo'yadi. Shu o'limli dunyoda urvoqchalik ahamiyati bo'lmagan masalalarga o'limdan ham muhimroq masaladek eʼtibor qaratamiz. Vaqti kelsa, "xayrlisi", "yaxshilikka bo'lsin" degan so'zlarni ehtimol qunt bilan shug'ullansak, hayotimizni tubdan o'zgartirib yuboradigan jiddiy masalalardan o'zimizni olib qochish uchun ishlatamiz. Biroq endi har gal "xayrlisi" deganingizda, ko'proq narsani tushuntiradigan bo'lasiz. Qachon "xayrlisi" desangiz, "Mening bir maslagim, g'oyam bor" deb aytasiz. Nazardan soqit qilishni emas, haqiqatni izlashni istab qolasiz. "Xayrlisi" deganingizda hech kim ko'rmasa ham, eshitmasa ham. U ko'rib turganini va eshitayotganini his qilasiz.