Elchin Safarli: Dengiz haqida so‘zlab ber menga

Bu qissa hayotdagi eng muhim narsalar o'z uyingdaligini anglashing uchun dunyoning yarmini kezib chiqishingga to'g'ri kelishi haqida hikoya qiladi. Shahar ham xuddi sevimli kishingizdek bo'lib qolishini sezganmisiz? U sizni his qiladi, g'amxo'rlik ko'rsatadi, borini baham ko'radi va o'z o'rnida siz ham boringizni (xoh katta yoki kichik bo'lsin, o'ylab o'tirmasdan) u bilan bo'lishasiz. Shahar bilan xuddi suyukli insoningiz kabi munosabat o'rnatasiz. Gohida undan azizrog'i topilmaydi, goh esa uni ko'rarga ko'zingiz yo'q. Ammo ne bo'lganda ham yuzadagi beqaror to'lqinda emas, chuqurlikdan joy olgan bir narsa bor. Uning nomi - muhabbat! Hayotning bebaholigi, nurning tuganmas va abadiyligi, o'tayotgan har lahzaning qadrli ekani - inson tafakkurini hamisha idrok etishga chorlab keladi. Bu dunyoda baxtning ham, baxtsizlikning ham shifosi bor. Kim umrini qanday va qanaqa yo'sinda yashab o'tishi - faqat o'ziga bog'liq. Ushbu asar bizni hayotga teranroq qarashga, yorug'likka intilish bilan orzularimizni ro'yobga chiqarish hamda vaqtni isrof qilmaslikka daʼvat etadi. Buning uchun sevishga shoshilmog'imiz, nafas olishimizda esa muhabbat bo'lmog'i lozim.